ممبئی: بالی ووڈ اسٹار سلمان خان کے گھر پر فائرنگ کرنے والے 2 افراد کو گرفتار کرلیا گیا۔ ممبئی پولیس حکام کے مطابق سلمان خان کے گھر پر فائرنگ کرنے والے وکی صاحب گپتا اور ساگر شری جوگندر پال کو ریاست گجرات کے علاقے بھوج سے گرفتار کیا گیا۔ . دونوں ملزمان کا تعلق لارنس بشنوئی گینگ سے ہے۔ اتوار کی صبح ممبئی میں اداکار سلمان خان کے گھر سے 2 موٹر سائیکل سواروں نے گولی مار کر فرار ہو گئے۔ پولیس نے سی سی ٹی وی فوٹیج کی مدد سے ملزم کا سراغ لگا لیا۔گینگسٹر لارنس بشنوئی کے بھائی انمول بشنوئی نے سلمان خان کے گھر پر فائرنگ کی ذمہ داری قبول کی تھی۔ لارنس بشنوئی مشہور پنجابی گلوکار سدھو موسی والا اور دیگر اعلیٰ شخصیات کے قتل کے الزام میں دہلی کی تہاڑ جیل میں بند ہیں۔ لارنس بشنوئی کئی بار سلمان خان کو جان سے مارنے کی دھمکی دے چکے ہیں۔
0
