اداکارہ مریم نفیس کا کہنا ہے کہ ’جان جہاں‘ میں شہرام کی جان بچانے پر سب تعریفی کمنٹس کررہے ہیں۔’جان جہاں‘ میں حمزہ علی عباسی اور عائزہ خان مرکزی کردار نبھا رہے ہیں جس کی دیگر کاسٹ میں مریم نفیس، نوال سعید، سویرا ندیم، عماد عرفانی، حارث وحید، آصف رضا میر، رضا تالش ودیگر شامل ہیں۔جانِ جہاں کی ہدایت کاری کے فرائض قاسم علی مرید نے انجام دیے ہیں جبکہ اس کی کہانی ردا بلال نے لکھی ہے۔گزشتہ قسط میں دکھایا گیا کہ مریم نفیس، شہرام کی جان بچالیتی ہیں اور وہ دودھ کا گلاس پھینک دیتی ہیں جس کی وجہ سے ان کی جان بچ جاتی ہے۔مداحوں کی مریم نفیس کا یہ سین پسند آگیا اور اداکارہ کے مطابق ان کے لیے تعریفی کمنٹس بھی کیے جارہے ہیں۔مریم نے بتایا کہ ڈرامے میں انہیں پہلے تیمور کی بہن کا کردار نبھایا تھا لیکن بعد میں کہا گیا کہ کردار بہت زیادہ ہوگئے ہیں اس لیے مجھے پھر زینب کا کردار ملا۔انہوں نے کہا کہ ڈرامے کی کاسٹنگ بہت زیردست ہے سب ہی اداکاری شاندار کارکردگی دکھا رہے ہیں۔شادی سے متعلق سوال پر اداکارہ کا کہنا تھا کہ انہوں نے اسلام آباد کے پرتعیش ہوٹل میں کچھ افراد کے لیے عشائیہ کا اہتمام کیا، جس کے بعد وہ باراتیوں سمیت سوات چلے گئے، جہاں ان کی شادی کی دیگر تقریبات ہوئیں اور دو دن بعد واپس آگئے۔مریم نفیس نے بتایا کہ ان کے شوہر یورپی ملک یونان میں شادی کرنا چاہتے تھے لیکن پھر انہوں نے سوات کا انتخاب کیا۔اداکارہ نے انکشاف کیا کہ انہوں نے حق مہر میں 2200 روپے لیے۔
0
