آرمی چیف جنرل سید عاصم منیر نے کہا ہے کہ پاک فوج ملک کی معاشی ترقی میں مدد جاری رکھے گی۔آرمی چیف اور اعلیٰ سرکاری حکام نے ایس آئی ایف سی کے گرین کارپوریٹ انیشیٹو کا دورہ کیا، آرمی چیف اور وزیر اعلیٰ پنجاب مریم نواز سمیت دیگر وفاقی و صوبائی وزراء اور زرعی شعبے سے متعلق افسران بھی اس موقع پر موجود تھے۔آرمی چیف جنرل عاصم منیر اور وزیر اعلیٰ پنجاب مریم نواز نے "سمارٹ ایگری فارم”، "گرین ایگری مالز” اور "ایگری ریسرچ فیسیلٹی سینٹر” کا باقاعدہ افتتاح کیا۔منصوبے کے تحت کسانوں کو مہنگی مشینری خریدنے کی بجائے آسان کرائے پر مشینری حاصل کرنے کے مواقع ملیں گے۔پنجاب بھر میں آبپاشی کے جدید نظام کے لیے 25 "گرین ایگری مالز” تیار کیے گئے ہیں، ملک بھر میں 250 "گرین ایگری مالز” سال کے آخر تک مکمل ہونے کی توقع ہے۔منصوبے کے تحت پانچ ہزار ایکڑ پر محیط جدید زرعی فارم بھی شروع کر دیا گیا ہے، گرین ایگری مال اینڈ سروس کمپنی کسانوں کو معیاری بیج، کھاد، کیڑے مار ادویات رعایتی قیمتوں پر ان کی دہلیز پر فراہم کرے گی، کسانوں کو ڈرون سمیت زرعی مشینری رعایتی کرائے پر دستیاب ہوگی۔اس موقع پر خطاب کرتے ہوئے آرمی چیف جنرل سید عاصم منیر نے کہا کہ پنجاب پاکستان کا زرعی پاور ہاؤس بن چکا ہے، جدید زراعت میں صوبہ پنجاب اور اس کے کسانوں کا قائدانہ کردار قابل تحسین ہے، گرین کارپوریٹ منصوبے کے تحت کم وقت میں حاصل ہونے والی کامیابیاں حوصلہ افزا اور ترقی کا وعدہ کرتی ہیں، پاک فوج ملک کی معاشی ترقی میں تعاون جاری رکھے گی۔پاکستان کی پنجاب مریم نواز نے کہا کہ چولستان اور پنجاب میں جدید زراعت کے انقلاب کی بنیاد رکھ دی، ایک نئے سفر کا آغاز، زراعت کی ترقی اور خوش حالی کی ضمانت۔
