امریکن ریپبلکن پارٹی کے رہنما اور امریکن کانگریس کے رکن جو ولسن نے ایک بیان میں کہا ہے کہ عمران خان کی سزا کے خلاف کانگریس میں پاکستان ڈیموکریسی ایکٹ لانے کی تیاری کر رہے ہیں۔سماجی رابطے کی ویب سائٹ ایکس پر اپنے بیان میں جو ولسن نے کہا کہ اس ایکٹ کے تحت حکومت پاکستان کے ان اہلکاروں کے خلاف پابندیاں عائد کی جائیں گی جو عمران خان کی سزا میں ملوث ہیں۔امریکی رکن کانگریس جو ولسن نے کہا کہ پاکستان ڈیموکریسی ایکٹ کا مسودہ تیار کیا جا رہا ہے جس کے تحت عمران خان پر مقدمہ چلانے اور انہیں قید کرنے والے پاکستانی حکومتی اہلکاروں پر پابندی عائد کی جائے گی۔ایکس پر ایک بیان میں انہوں نے کہا کہ یہ ایکٹ دراصل پاکستان میں جمہوریت اور انسانی حقوق کے اصولوں کے تحفظ کو یقینی بنائے گا۔جو ولسن امریکی ایوان نمائندگان کی خارجہ امور اور مسلح خدمات کی کمیٹیوں کے رکن ہونے کے ساتھ ساتھ ریپبلکن پالیسی کمیٹی کے چیئرمین بھی ہیں۔گزشتہ ماہ امریکی صدر ڈونلڈ ٹرمپ کی تقریب حلف برداری میں شرکت کرنے والے وفاقی وزیر داخلہ محسن نقوی نے اپنے دورے کے دوران جو ولسن سے ملاقات بھی کی۔
