ترک صدر رجب طیب اردوان پاکستان کا دورہ مکمل کرنے کے بعد وطن واپس پہنچ گئے، انہوں نے پاکستان اور ترکی کے درمیان تجارتی حجم کو 5 ارب ڈالر تک بڑھانے اور دوطرفہ تعلقات کو سٹریٹجک پارٹنرشپ میں بدلنے کے عزم کا اظہار کیا۔اس موقع پر نائب وزیراعظم و وزیر خارجہ محمد اسحاق ڈار، وفاقی وزیر اطلاعات و نشریات عطاء اللہ تارڑ اور اعلیٰ حکام بھی وزیراعظم کے ہمراہ تھے۔ترک صدر اور خاتون اول کو دورے کے فوٹو البمز بھی پیش کیے گئے۔واضح رہے کہ ترکی کے صدر رجب طیب اردوان نے وزیراعظم محمد شہباز شریف کی دعوت پر پاکستان کا دو روزہ دورہ کیا۔دورے کے دوران وزیر اعظم شہباز شریف اور صدر رجب طیب اردوان نے مشترکہ طور پر پاکستان ترکی اعلیٰ سطحی سٹریٹجک تعاون کونسل کے ساتویں اجلاس کی صدارت کی۔ اجلاس کے اختتام پر ایک مشترکہ اعلامیہ جاری کیا گیا اور 24 اہم معاہدوں اور ایم او یوز پر دستخط کیے گئے۔صدر اردوان شہباز شریف اور صدر آصف علی زرداری نے الگ الگ ملاقات بھی کی۔ترک صدر نے پاکستان بزنس اینڈ انویسٹمنٹ فورم سے خطاب کیا جس میں دونوں اطراف کے سرکردہ سرمایہ کار، تجارت اور کاروبار افراد شریک ہوئے۔
