حکومتی مذاکراتی ٹیم نے تحریک انصاف کے تحریری مطالبات کے جوابات تیار کر لیے ہیں۔ذرائع کے مطابق حکومتی مذاکراتی ٹیم نے تحریک انصاف کے مطالبات پر شق بہ شق جواب تیار کر لیا، 9 مئی کے واقعات پر جوڈیشل کمیشن نہیں بنایا جا سکتا۔حکومتی ٹیم نے تحریری جواب میں کہا ہے کہ جوڈیشل کمیشن ان معاملات پر بنتا ہے جو عدالت میں زیر بحث نہیں، 9 مئی کے مقدمات عدالتوں میں ہیں، کچھ ملزمان کو فوجی عدالتوں سے سزائیں بھی سنائی گئی ہیں۔تحریری جواب میں کہا گیا ہے کہ 26 نومبر سے متعلق لاپتہ افراد کی فہرست اور گرفتار افراد کی تفصیلات فراہم کی جائیں۔ جب تک نام اور تفصیلات دستیاب نہیں ہوں گی گرفتار افراد کی رہائی کے لیے کوئی کارروائی کیسے کی جا سکتی ہے۔ذرائع کے مطابق حکومت نے ردعمل میں کہا ہے کہ پی ٹی آئی کا دعویٰ ہے کہ ہلاکتوں کی تفصیلات بھی فراہم کی جائیں۔حکومتی کمیٹی آئندہ چند روز میں اپنا تحریری جواب سپیکر قومی اسمبلی ایاز صادق کو جمع کرائے گی۔حکومت کا جواب ملنے کے بعد اسپیکر مذاکرات کے لیے چوتھے اجلاس کا فیصلہ کریں گے۔
