چیئرمین تحریک انصاف بیرسٹر گوہر کا کہنا ہے کہ ہماری شرط ہے کہ جوڈیشل کمیشن بنایا جائے، پی ٹی آئی کے بانی نے کہا ہے کہ 7 روز میں کمیشن نہ بنا تو چوتھا اجلاس نہیں ہوگا۔اڈیالہ جیل کے باہر میڈیا سے گفتگو کرتے ہوئے انہوں نے کہا کہ ہم انتظار کر رہے ہیں کہ حکومت ہمیں پیش رفت کے بارے میں بتائے۔بیرسٹر گوہر کا کہنا ہے کہ عرفان صدیقی حکومتی مذاکراتی کمیٹی کے ترجمان ہیں، ان کے لیے مذاکرات کو تعطل کا شکار کرنا مناسب نہیں۔انہوں نے کہا کہ ہم نے جو ملاقات کی وہ امن و امان کی صورتحال پر تھی، ہمیں امن وامان کی صورتحال پر اجلاس پر کوئی مسئلہ نہیں اٹھانا چاہیے، ہم حکومت سے مذاکرات جاری رکھنا چاہتے ہیں۔چیئرمین پی ٹی آئی کا کہنا ہے کہ حکومت گھبراہٹ کا شکار ہے کیونکہ یہ فارم 47 کی حکومت ہے، حکومت کو مذاکرات پر توجہ دینی چاہیے، ہم سمجھتے ہیں کہ مذاکرات کی کامیابی پاکستان کی کامیابی ہے۔ان کا یہ بھی کہنا ہے کہ ڈونلڈ ٹرمپ کی حلف برداری کے دعوت نامے سرکاری سطح پر نہیں آئے، ان کی دعوتوں کا فیصلہ ان کی الیکشن کمیٹی کرتی ہے۔
