بہاولپور میں ٹریفک حادثے میں سابق رکن قومی اسمبلی مخدوم سید علی حسن گیلانی سمیت 2 افراد جاں بحق ہوگئے۔ ریسکیو حکام کے مطابق حادثہ احمد پور شرقیہ روڈ پر اڈا نبی پور کے قریب پیش آیا جہاں سابق ایم این اے مخدوم سید علی حسن… گیلانی کی گاڑی احمد پور شرقیہ سے آتے ہوئے سڑک کے کنارے کھڑے منی لوڈر ٹرک سے ٹکرا گئی۔ ریسکیو حکام کا کہنا ہے کہ حادثے میں سابق ایم این اے سمیت 2 افراد جاں بحق اور 3 زخمی ہوگئے۔جنہیں تحصیل ہیڈ کوارٹر ہسپتال احمد پور شرقیہ منتقل کر دیا گیا ہے۔ حادثے میں جاں بحق ہونے والے مخدوم سید علی حسن گیلانی پاکستان پیپلز پارٹی کے ٹکٹ پر دو بار ایم این اے منتخب ہوئے۔ اس کے علاوہ فروری 2024 کے اواخر میں ہونے والے انتخابات میں۔ وہ پاکستان پیپلز پارٹی کے ایم این اے امیدوار تھے جبکہ وہ سابق وزیراعظم یوسف رضا گیلانی کے قریبی رشتہ دار بھی تھے۔
