روس خطرہ ہے، دفاعی اخراجات بڑھانے ہونگے: نیٹو

نیٹو کے سیکرٹری جنرل مارک روٹے نے روس کو خطرہ قرار دیتے ہوئے دفاعی اخراجات میں اضافے پر زور دیا۔مارک روٹے نے یہ بات برسلز میں نیٹو کے وزرائے دفاع کے اجلاس کے موقع پر کہی ہے۔ان کا کہنا ہے کہ روس نے اپنی دفاعی پیداوار میں اضافہ کیا ہے جس کی وجہ سے نیٹو ممالک کو بھی اس حوالے سے کام کرنا ہو گا۔نیٹو کے سیکرٹری جنرل مارک روٹے نے کہا ہے کہ روس ہر 3 ماہ میں اتنا گولہ بارود تیار کرتا ہے جتنا نیٹو ممالک ایک سال میں پیدا کرتے ہیں۔انہوں نے کہا کہ ہم سب یوکرین میں جلد سے جلد امن چاہتے ہیں۔مارک روٹے نے یہ بھی کہا کہ وہ چاہتے ہیں کہ جب یوکرین جنگ پر مذاکرات شروع ہوں تو یوکرین بہتر پوزیشن میں ہو، اس لیے ہمیں مزید خرچ کرنے کی ضرورت ہے۔