عوامی پاکستان پارٹی کے سربراہ شاہد خاقان عباسی نے کہا ہے کہ 2018 کے الیکشن میں چوری اور 2024 میں ڈکیتی ہوئی۔شاہد خاقان عباسی نے کہوٹہ میں ظہرانے سے خطاب کرتے ہوئے کہا کہ ملک کی بدقسمتی ہے کہ آج پارلیمنٹ میں دو تہائی ارکان اسمبلی پیسے دے کر ایوان میں پہنچے ہیں۔انہوں نے کہا کہ 2018 کے الیکشن میں چوری اور 2024 میں ڈکیتی ہوئی، یہ 24 کروڑ عوام کا ملک ہے۔ اس طرح کام نہیں چلے گا۔ مجھے ان 3 بڑی سیاسی جماعتوں سے بہتری کی کوئی امید نظر نہیں آتی۔عوامی پاکستان کے سربراہ کا کہنا تھا کہ آج ملک میں جس طرح کی کرپشن ہے، ماضی میں اس کی مثال نہیں ملتی، جب تک ملک کو اس طرح سیاسی طور پر نہیں چلایا جائے گا، ملک میں انتشار ہے تو معیشت بہتر نہیں ہوسکتی۔شاہد خاقان عباسی نے کہا کہ مسلم لیگ (ن) جب تک ووٹ کو عزت دو کا نعرہ لگاتی رہی عوام میں مقبول جماعت رہی۔ان کا مزید کہنا تھا کہ آج ہر پاکستانی پریشان ہے، سیاست کا مقصد ہونا چاہیے، جب کہ کوئی عوامی نمائندے اپنے اصول چھوڑ کر آئین سے انحراف کرنا شروع کر دیں تو ملک میں انتشار کا کہنا تھا۔
