اسلام آباد: پاکستان انیشیٹو آن انرجی ںے بجلی کی قیمتوں میں کمی کے حوالے سے تجاویز میں کہا کہ بجلی کی فی یونٹ قیمت میں کمی کے لئے ویٹڈ اوریج کاسٹ گیس فارمولا استعمال کرنا ہوگا۔تفصیلات کے مطابق بجلی کی قیمتوں میں کمی کے حوالے سے پاکستان انیشیٹو آن انرجی (پائی) کی تجاویز سامنے آگئیں ، جس میں کہا گیا کہ پیٹرول کی طرح گیس میں بھی درآمدی ، مقامی قیمتوں کافرق ختم کیاجائے اور درآمدی ، مقامی کا فرق ختم کرکے اوسطاً قیمت متعارف کرائی جائے۔پائی کا کہنا تھا کہ درآمدی آر ایل این جی کے پلانٹس مہنگی گیس سے کم ترین اکنامک میرٹ آڈر پر آتے ہیں اور آر ایل این جی پلانٹس کو نہ چلانے کی وجہ سے فی یونٹ کیپسٹی چارجز میں اضافہ ہورہا ہے۔پاکستان انیشیٹو آن انرجی نے کہا کہ پلانٹس کے استعمال نہ ہونے کی وجہ سے کپیسٹی چارجز 17 روپے فی یونٹ ہوگئے اور کیپسٹی چارجز کی وجہ سے بجلی کی فی یونٹ قیمت 55 روپے ہوگی ، پاکستان انیشیٹو آن انرجی تجاویز میں کہا گیا کہ بجلی کی فی یونٹ قیمت میں کمی کے لئے ویٹڈ اوریج کاسٹ گیس فامولا استعمال کرنا ہوگا، ویٹڈ اوریج کاسٹ گیس میں مقامی گیس اور آر ایل این جی کی قیمت کا اوسط لگایا جائے گا۔پاکستان انیشیٹو آن انرجی کا کہنا تھا کہ مقامی گیس کسی قدر مہنگی ہوگی مگر درآمدی آرایل این جی کی قیمت سستی ہوجائے گی، ویٹڈ اوریج کاسٹ گیس کے زریعے آر ایل این جی کی قیمت 50 فیصد کم ہوسکتی ہے۔پائی کے مطابق پاکستان میں آر ایل این جی سے 6ہزارمیگاواٹ بجلی پیدا کرنے کے پلانٹس موجود ہیں، آر ایل این جی پلانٹس کیپٹو پاور کے مقابلے دگنی بجلی پیدا کرسکیں گے، ویٹڈاوریج کاسٹ گیس پرعمل سے آرایل این جی پلانٹس اکنامک میرٹ آڈرپرآجائیں گے۔
0
