پشاور: پاکستان تحریک انصاف خیبرپختونخوا میں بڑی تبدیلیوں کا امکان ہے۔پی ٹی آئی ذرائع کے مطابق صوبائی صدارت میں تبدیلی کے بعد تنظیمی سطح پر تبدیلیوں کا فیصلہ کیا گیا ہے۔ذرائع کا کہنا ہے کہ پارٹی کے صوبائی جنرل سیکرٹری میں تبدیلی کا امکان ہے، عاطف خان اور ارباب شیر علی کو بھی اہم ذمہ داریاں مل سکتی ہیں۔واضح رہے کہ گزشتہ روز پی ٹی آئی کے بانی عمران خان نے وزیراعلیٰ کے پی کے علی امین گنڈا پور سے کے پی کی چیئرمین شپ لے لی تھی اور جنید اکبر کو پی ٹی آئی کے پی کا نیا صدر مقرر کیا تھا۔اس حوالے سے ذرائع کا کہنا ہے کہ اس فیصلے کے حوالے سے علی امین گنڈا پور کو اعتماد میں نہیں لیا گیا اور عمران خان نے علی امین گنڈا پور کو صوبے میں گورننس بہتر بنانے اور دہشت گردی کے خاتمے پر توجہ دینے کی ہدایت کی ہے۔ .
