
روزگار
چینی کی قیمت کو پر لگ گئے، ایک ہفتے میں 4 روپے فی کلو مزید مہنگی
اسلام آباد: چینی کی قیمت میں اضافہ، ملک میں مسلسل آٹھویں ہفتے چینی کی قیمت میں اضافہ ریکارڈ کیا گیا۔ایک ہفتے میں چینی 4 روپے 14 پیسے فی کلو مہنگی ہوگئی، ملک میں چینی کی اوسط قیمت 145 روپے 50 پیسے فی کلو ہوگئی۔وفاقی کابینہ نے اکتوبر میں مزید 5 لاکھ میٹرک ٹن چینی برآمد کرنے کی اجازت دی تھی اور نومبر کے آخر سے چینی کی قیمتیں بڑھنا شروع ہوگئیں جو اب تک جاری ہیں۔ملک میں چینی کی قیمتوں کے تازہ ترین اعداد و شمار سرکاری سطح پر جاری کر دیے گئے، ملک میں چینی کی قیمتوں میں مسلسل اضافے کا سلسلہ جاری ہے۔ادارہ شماریات کی دستاویز کے مطابق گزشتہ ایک ہفتے کے دوران چینی کی فی کلو اوسط قیمت میں 4 روپے 14 پیسے کا اضافہ ہوا ہے۔