توشہ خانہ 2 کیس میں پی ٹی آئی کی بانی اور بشریٰ بی بی کی بریت کی درخواستوں پر سماعت کا تحریری حکم نامہ جاری کر دیا گیا۔اسلام آباد ہائی کورٹ کے جسٹس انعام امین منہاس نے 2 صفحات پر مشتمل تحریری حکم نامہ جاری کیا ہے۔اسلام آباد ہائی کورٹ نے ایف آئی اے کو پری ایڈمیشن نوٹس جاری کر دیا۔اس کے علاوہ مقدمے کی سماعت روکنے کے حکم امتناعی کی درخواست پر ایف آئی اے کو نوٹس بھی جاری کر دیا گیا ہے۔ااسلام آباد ہائی کورٹ نے کہا کہ درخواست گزار کا مؤقف ہے کہ اس کے خلاف کوئی مقدمہ نہیں، اسے بری کیا جائے۔تحریری حکم نامے کے مطابق بانی پی ٹی آئی کے وکیل کا کہنا ہے کہ استغاثہ کا مقدمہ 5 وعدہ معاف گواہوں پر نہیں چلتا۔عدالت نے یہ بھی کہا کہ وکیل کے مطابق ٹرائل کورٹ جلد بازی میں مقدمے کی سماعت کر رہی ہے جس سے درخواست گزار کے بنیادی حقوق متاثر ہو سکتے ہیں۔
