چینی وزیرِ خارجہ کی مصری ہم منصب سے ملاقات

چین کے وزیر خارجہ وانگ یی نے چین کے دارالحکومت بیجنگ میں اپنے مصری ہم منصب بدر عبدالعطی سے ملاقات کی۔ خبر ایجنسی کے مطابق چینی اور مصری وزرائے خارجہ نے ملاقات میں مشرق وسطیٰ میں قیام امن کی ضرورت پر اتفاق کیا۔ اس موقع پر چینی وزیر خارجہ نے کہا کہ مشرق وسطیٰ میں قیام امن کے لیے مذاکرات کو فروغ دینا چاہیے۔ چینی وزیر خارجہ نے اس بات پر زور دیا کہ شام کی خود مختاری اور سالمیت کا احترام کیا جانا چاہیے۔ انہوں نے کہا کہ اندرونی اتحاد کو مضبوط کیا جائے۔انہیں ایک جامع، منصفانہ اور دیرپا حل کے حصول میں فلسطینیوں کی حمایت کرنی چاہیے۔ ان کا کہنا ہے کہ مشرق وسطیٰ کے لیے ایک نیا پائیدار سیکیورٹی فریم ورک ضروری ہے۔ چین کو مشرق وسطیٰ میں امن، استحکام، ترقی اور خوشحالی کے فروغ کی حمایت کرنی چاہیے۔ چین مشرق وسطیٰ کے تمام ممالک کا طویل مدتی قابل اعتماد شراکت دار رہے گا۔ چینی وزیر خارجہ نے یہ بھی کہا کہ چین مصر کے ساتھ جامع اسٹریٹجک تعلقات کو نئی سطح پر لے جانے کے لیے تیار ہے۔