پشاور: خیبرپختونخوا حکومت نے مالی وسائل بڑھانے کے لیے اسٹاک ایکسچینج کے ذریعے بانڈز جاری کرنے کا فیصلہ کیا ہے۔ مشیر خزانہ کے پی مزمل اسلم نے کہا کہ سٹاک ایکسچینج یا کیپٹل مارکیٹ میں ایجوکیشن بانڈز جاری کرنے کا فیصلہ کیا گیا ہے، یونیورسٹیز کی پنشن کی واجبات ایجوکیشن بانڈز سے ادا کی جائیں گی، جس سے ان پر 3 سے 4 ارب روپے یا اس سے بھی زیادہ لاگت آئے گی۔ کم یہ ایک پائلٹ پروجیکٹ ہوگا۔ مشیر خزانہ کے پی نے کہا کہ پہلے…لوگوں کو پراجیکٹ کے بارے میں آگاہ کیا جا رہا ہے، پراجیکٹ کے لیے کنسلٹنٹس کی خدمات حاصل کی جائیں گی اور کام شروع کرنے کے بعد ٹیسٹنگ کی جائے گی، یہ انوکھا طریقہ ہوگا، دیکھتے ہیں کتنی مشکلات ہیں۔ انہوں نے کہا کہ اس کے بعد صوبے کو مزید بڑے ترقیاتی منصوبوں میں حصہ ڈالنا ہو گا، اس میں ہم ایک نیا راستہ بنائیں گے، اس پر کام ہو رہا ہے، مختلف منصوبوں کے سلسلے میں کراچی میں روڈ شو کیا گیا، ایک تقریب لاہور میں بھی منعقد ہوا، 16 دسمبر کو ہم اسلام آباد میں پراجیکٹس کے حوالے سے ایک تقریب بھی منعقد کریں گے۔ مزمل اسلم نے مزید کہا کہ خیبرپختونخوا میں اب تک ترقیاتی کاموں کے لیے بیرونی قرضوں اور ڈونرز پر انحصار کرتے تھے، بیرونی قرضوں کے حصول میں زیادہ وقت لگتا ہے اور شرح مبادلہ کا خطرہ ہوتا ہے، اس لیے اب ہم مقامی ڈونرز پر انحصار بڑھائیں گے۔
