اسلام آباد(نیوز ڈیسک )سعودی حکومت نے وزیراعظم شہباز شریف کے دورہ مدینہ میں حرمت حرم کی توہین کرنے والوں کو سزا سنا دی ۔تفصیلات کے مطابق وزیراعظم شہباز شریف وفاقی وزرا کیساتھ رمضان المبارک کے آخری ایام میں سرکاری دورے پر مدینہ گئے تھے، جہاں چھ مجرموں پر وفاقی وزیر اطلاعات مریم اورنگزیب اور دیگر وزرا کیساتھ حرم مدینہ میں بدتمیزی اور توہین حرم کے باعث جرم ثابت ہونے پر سزا سنائی ۔ تین پاکستانیوں کو دس دس سال کی سزا سنائی گئی جبکہ تین کو آٹھ آٹھ سال کی سزا سنائی گئی ،دس سال سزا پانے والوں میں انس ، ارشاد اور محمد سلیم شامل ہیں ،آٹھ سال کی سزا پانے والوں میں خواجہ لقمان ، محمد افضل اور غلام محمد شامل ہے، مدینہ منورہ کی عدالت نے چھ مجرموں کو بیس بیس ہزار ریال جرمانہ اور موبائل فون بھی ضبط کرلئے۔
178
