سعودی عرب میں رشوت ستانی اور عہدے کے غلط استعمال کے الزام میں 164 سرکاری ملازمین کو حراست میں لے لیا گیا۔ محکمہ انسداد بدعنوانی کے مطابق زیر حراست افراد کا تعلق وزارت داخلہ، وزارت تعلیم، وزارت صحت اور وزارت لوکل گورنمنٹ سے ہے۔ نومبر میں 370 افراد سے تفتیش کی گئی جس کے بعد کچھ کو ضمانت پر رہا کر دیا گیا۔ واضح رہے کہ رواں سال ستمبر میں سعودی عرب میں انسداد بدعنوانی اتھارٹی بھی کارروائی کر رہی تھی۔کنگ عبداللہ پورٹ پر زکوٰۃ، ٹیکس، کسٹمز اتھارٹی کے 3 ملازمین کو رشوت لینے کے الزام میں گرفتار کر لیا گیا۔ وزارت داخلہ کے تعاون سے کی گئی کارروائی میں 6 غیر ملکیوں سے رشوت لینے کے الزام میں 3 ملازمین کو گرفتار کر لیا گیا۔ سعودی اینٹی کرپشن اتھارٹی نے کہا کہ رشوت کی مد میں وصول کی گئی رقم 2.234 ملین ریال تھی۔
