علی امین گنڈا پور کے صف ماتم بچھ گئی قریبیرشتے دار فائرنگ سے جاں بحق

وزیراعلیٰ خیبرپختونخوا علی امین گنڈا پور کے گھر صف ماتم بچھ گئی قریبی رشتے دار فائرنگ سے جاں بحق

ڈی آئی خان کی تحصیل کلاچی میں وزیراعلیٰ خیبرپختونخوا علی امین گنڈا پور کے رشتہ دار ثقلین خان گنڈا پور کو نامعلوم افراد نے قتل کردیا۔ میڈیا رپورٹس کے مطابق خاندانی ذرائع کے مطابق مقتول ثقلین گنڈا پور کے والد اسماعیل خان وزیر اعلیٰ علی امین گنڈا پور کے چچا ہیں۔ یہ واقعہ اس وقت پیش آیا جب وزیراعلیٰ علی امین گنڈا پور نے گزشتہ روز پشاور میں ایک نیوز کانفرنس کے دوران کہا کہ ان کی حکومت میں امن و امان کی صورتحال بہتر ہوئی ہے۔اور کاؤنٹر ٹیررازم ڈیپارٹمنٹ (CTD) صوبے میں سرگرم ہے۔ علی امین گنڈا پور نے مزید کہا کہ سی ٹی ڈی کو ایک ارب روپے فراہم کیے جا رہے ہیں اور خیبرپختونخوا کے عوام نے پاکستان کے لیے بے شمار قربانیاں دی ہیں۔ انہوں نے یہ بھی کہا کہ شہداء کا کوٹہ 5 سے بڑھا کر 12 فیصد کر دیا گیا ہے۔ واقعے کی تحقیقات جاری ہیں اور مقامی انتظامیہ نے مزید کارروائی کی یقین دہانی کرائی ہے۔

اپنا تبصرہ لکھیں