وزیر مملکت برائے آئی ٹی شازہ فاطمہ نے کہا ہے کہ ڈیٹا سروس ملک بھر میں مکمل طور پر فعال ہے، تمام ایپس ڈیٹا سروس پر 100 فیصد درست طریقے سے کام کر رہی ہیں۔ انہوں نے کہا کہ پاکستان میں انڈسٹری براڈ بینڈ استعمال کرتی ہے، اسے بلاک نہیں کیا جاتا، پاکستان میں موبائل ٹاورز ضرورت سے کم ہیں، اسے بہتر کرنے کے لیے کام کر رہے ہیں۔ انہوں نے کہا کہ جہاں سیکورٹی کا تعلق ہے، وزارت داخلہ پی ٹی اے کی ہدایت کرتی ہے، وزارت داخلہ کی ہدایات کے مطابق ایکس بند ہے۔شازہ فاطمہ نے کہا کہ پاکستان میں ایکس کو 2 فیصد سے بھی کم لوگ استعمال کرتے ہیں، ایکس کی بندش کا مطلب اظہار رائے پر پابندی نہیں ہے۔ یوٹیوب، فیس بک سمیت تمام ڈیجیٹل پلیٹ فارمز پر اظہار رائے کی آزادی ہے۔ انہوں نے کہا کہ ملک میں روزانہ سینکڑوں سائبر حملے ہوتے ہیں، سائبر سیکیورٹی وقت کی ضرورت ہے، گزشتہ سال کے مقابلے اس سال آئی ٹی انڈسٹری میں بے پناہ ترقی ہوئی ہے۔ ہے
