آر پی او راولپنڈی ،آر پی او راولپنڈی نے سی پی او اور ڈی پی او اٹک کے ہمراہ پریس کانفرنس

پی ٹی آئی مظاہرین نے پولیس پر براہِ راست فائرنگ کی، شیل پھینکے: آر پی او راولپنڈی ،آر پی او راولپنڈی نے سی پی او اور ڈی پی او اٹک کے ہمراہ پریس کانفرنس

آر پی او راولپنڈی نے کہا ہے کہ پی ٹی آئی کے مظاہرین نے پولیس پر براہ راست فائرنگ کی، شیلنگ کی۔ پی ٹی آئی کے احتجاج کے حوالے سے آر پی او راولپنڈی نے سی پی او اور ڈی پی او اٹک کے ہمراہ پریس کانفرنس کی۔ آر پی او راولپنڈی اور دیگر سینئر افسران نے پریس کانفرنس میں بتایا کہ تشدد میں راولپنڈی ڈویژن کے 170 اہلکار زخمی ہوئے جن میں سے 24 کی حالت تشویشناک ہے۔ آر پی او راولپنڈی نے بتایا کہ 32 کیسز میں 11 سو 51 ملزمان کو گرفتار کیا گیا ہے۔جن میں سے 64 افغان شہری ہیں۔ انہوں نے کہا کہ ہکلہ میں پی ٹی آئی کے مظاہرین نے پولیس پر براہ راست فائرنگ کی، پولیس نے تحمل کا مظاہرہ کیا۔ آر پی او راولپنڈی نے بتایا کہ راولپنڈی ریجن میں 32 مقدمات درج کیے گئے۔ پولیس کی 11 گاڑیوں کو نقصان پہنچا، جب پولیس نے روکا تو مظاہرین نے تشدد کا سہارا لیا۔ پولیس حکام کے مطابق پی ٹی آئی کا قافلہ راولپنڈی میں داخل ہوا تو انہوں نے پولیس پر براہ راست فائرنگ کی۔ اور آنسو گیس کے گولے پھینکے گئے۔

اپنا تبصرہ لکھیں