اسلام آباد: انٹرنیٹ سروس تاحال مکمل طور پر بحال نہ ہوسکی، صارفین کا نظام درہم برہم، صارفین کو براؤزنگ اور ڈاؤن لوڈ کرنے میں پریشانی کا سامنا ہے۔ تفصیلات کے مطابق وفاقی دارالحکومت اسلام آباد اور راولپنڈی میں معمولات زندگی مکمل طور پر بحال ہو گئے ہیں تاہم جڑواں شہروں میں انٹرنیٹ سروس تاحال مکمل طور پر بحال ہے۔ بیشتر علاقوں میں موبائل ڈیٹا پر انٹرنیٹ سروس جزوی طور پر معطل ہے، دونوں شہروں میں انٹرنیٹ صارفین کو براؤزنگ اور ڈاؤن لوڈ کرنے میں پریشانی کا سامنا ہے۔جبکہ شہریوں کو دستاویزات اور وائس نوٹ بھیجنے میں شدید پریشانی کا سامنا ہے۔ وی پی این کے بغیر سوشل میڈیا ایپلی کیشنز سست ہیں، انٹرنیٹ کی رفتار سست ہونے سے آئی ٹی سمیت آن لائن کاروبار کو بھی شدید مشکلات کا سامنا ہے۔ انٹرنیٹ سروس کے بارے میں شہریوں کا کہنا ہے۔ دوسری جانب ملک کے مختلف علاقوں میں وائی فائی پر انٹرنیٹ کی رفتار انتہائی سست ہوگئی ہے جب کہ موبائل نیٹ ورک بھی درہم برہم ہے۔جس کی وجہ سے شہریوں کو کالز، وائس نوٹ، تصویریں، ویڈیوز سوشل میڈیا پر اپ لوڈ کرنے اور ڈاؤن لوڈ کرنے میں بھی مشکلات کا سامنا ہے۔
