ایف آئی اے سائبر کرائم سرکل راولپنڈی نے غیرقانونی بین الاقوامی سمز فروخت کرنے والے پانچ ملزمان کو گرفتار کرلیا

ایف آئی اے سائبر کرائم سرکل راولپنڈی نے کارروائی کرتے ہوئے غیرقانونی بین الاقوامی سمز فروخت کرنے والے پانچ ملزمان کو گرفتار کرلیا۔ بین الاقوامی سمز کی غیر قانونی خریدوفروخت میں ملوث عناصر کے خلاف ملک گیر کریک ڈاؤن جاری ہے۔۔ اس سلسلے میں ایف آئی اے سائبر کرائم سرکل راولپنڈی نے سوشل میڈیا کے ذریعے بین الاقوامی ایکٹیو سمز کی فروخت میں ملوث ملزم منظم گینگ کے خلاف چھاپہ مار کارروائی کی۔ جس کے نتیجےمیں پانچ ملزمان کو گرفتار کرلیا گیا۔ گرفتار ملزمان کی شناخت محمد عامر، محمد مدثر، محمد ذکریا، سید نوراوروجیہہ محمود کے نام سے ہوئی ۔ گرفتار ملزمان سے 335 غیر قانونی سمز اور 5 عدد موبائل فون برآمد کر لئے گئے۔ حکام کے مطابق ملزمان بین الاقوامی سمز کی غیر قانونی فروخت میں ملوث ہیں جو سوشل میڈیا کے ذریعے بین الاقوامی سمز کی خریدوفروخت کرتے تھے۔ یہ سمز غیر قانونی سرگرمیوں میں استعمال ہوتے تھے۔ مذکورہ سمز بلیک میلنگ، بھتہ خوری، فراڈ، جعلی سکیموں اور آن لائن مالیاتی فراڈ میں استعمال ہوتی تھیں