تحریک انصاف میں عہدیداروں کی تبدیلی کا سلسلہ جاری، بیرسٹر سیف کو صوبائی سیکرٹری اطلاعات کے عہدے سے ہٹا دیا گیا۔ پارٹی کے صوبائی صدر جنید اکبر نے پارٹی کے صوبائی جنرل سیکرٹری اطلاعات کا عہدہ ملک عدیل اقبال کو تفویض کیا جبکہ پی ٹی آئی خیبرپختونخوا کے ڈپٹی سیکرٹری کا عہدہ ذیشان ایڈووکیٹ کو تفویض کیا گیا۔اعلامیہ کے مطابق ملک عدیل اقبال پی ٹی آئی کے صوبائی انفارمیشن سیکرٹری اور ذیشان ایڈووکیٹ ڈپٹی انفارمیشن سیکرٹری ہوں گے۔ واضح رہے کہ چند روز قبل قیادت نے وزیراعلیٰ علی امین گنڈا پور سے صوبائی چیئرمین شپ کا عہدہ لے لیا تھا، ان کی جگہ جنید اکبر کو چیئرمین شپ کا عہدہ سونپا گیا تھا۔
