امریکی شہر فلاڈیلفیا کے شمال مشرق میں چھوٹا طیارہ گر کر تباہ ہوگیا، حادثے میں 6 افراد کے ہلاک ہونے کی اطلاعات ہیں۔امریکی میڈیا کے مطابق حادثے کے بعد طیارے میں آگ لگ گئی، طیارے کے حادثے کی تحقیقات شروع کر دی گئی ہیں۔خبر رساں اداروں کے مطابق جائے حادثہ پر امدادی کارروائیاں جاری ہیں۔اس سے قبل جمعرات کو واشنگٹن میں ایک مسافر طیارے اور ہیلی کاپٹر میں تصادم ہوا تھا جس میں 67 افراد ہلاک ہوئے تھے۔ڈی سی فائر چیف کا کہنا ہے کہ اب تک 41 لاشوں کی باقیات نکالی جا چکی ہیں جن میں سے 28 لاشوں کی شناخت ہو چکی ہے۔
