ٹیکنالوجی کمپنی ایپل نے آئی فون صارفین کے لیے آئی او ایس 17.5 کا پہلا بِیٹا ورژن جلد متعارف کرانے کا اعلان کر دیا۔ کمپنی کی جانب سے آئندہ جاری کی جانے والی سافٹ ویئر اپ ڈیٹ میں بڑی تبدیلیاں متوقع ہیں۔ویب سائٹ میک رومرز کے مطابق آئی او ایس 17.5 اپ ڈیٹ کے بعد یورپی یونین کے آئی فون صارفین اہل ڈیویلپرز کی ویب سائٹ سے براہ راست ایپس کو ڈاؤن لوڈ کر سکیں گے۔ اس کے علاوہ ایپل پوڈکاسٹ میں ٹرانسکرپٹ، چوری شدہ ڈیوائس کی حفاظت میں بہتری اور سری سمیت کئی اپ ڈیٹس شامل ہوں گی۔ایپل کے مطابق اس نئے ’ویب ڈسٹریبیوشن‘ فیچر کی آمد رواں موسم بہار میں آئی فون سافٹ ویئر اپ ڈیٹ (جو کہ ممکنہ طور پر آئی او ایس 17.5 کی جانب اشارہ ہے) کے ساتھ کسی بھی وقت متوقع ہے۔تاہم،’ویب ڈسٹریبیوشن‘ یورپی یونین میں بڑے ڈیویلپرز تک ہی محدود ہوگی۔ایپ پر مبنی ویب ڈسٹری بیوشن کے لیے اہل ہونے کے لیے، ڈویلپرز کو ایپل ڈویلپر پروگرام کا دو یا زیادہ سالوں سے حصہ ہونا چاہیے اور ان کی ایپ کو گزشتہ سال کے دوران یورپی یونین کے اندر 1 ملین سے زیادہ iOS آلات پر انسٹال کرنا چاہیے۔ بار انسٹال ہونا ضروری ہے۔ویب ڈسٹری بیوشن’ کی بنیاد دراصل متبادل ایپ مارکیٹ پلیس ہے جو ایپل نے پہلے ہی iOS 17.4 میں یورپی یونین کے آئی فون صارفین کے لیے متعارف کرایا ہے۔ ایپل کی جانب سے یہ تبدیلیاں یورپی یونین کی جانب سے متعارف کرائے گئے نئے ڈیجیٹل مارکیٹس ایکٹ کو نافذ کرنے کے لیے کی گئی ہیں۔
0
