پاکستان اور ترکی کے درمیان 24 معاہدوں اور مفاہمت کی یادداشتوں پر دستخط ہوئے۔وزیراعظم شہباز شریف اور ترک صدر رجب طیب اردوان نے مفاہمت کی یادداشتوں اور معاہدوں پر دستخط کیے۔پاک ترکی اسٹریٹجک تعلقات کو مزید مضبوط بنانے کے اعلامیے پر دستخط کیے گئے، سماجی و ثقافتی بنیادوں پر فوجی، سول اہلکاروں کے تبادلے سے متعلق مفاہمت کی یادداشت پر بھی دستخط کیے گئے۔پاکستان اور ترکی میں تعاون کے معاہدوں اور مفاہمت کی یادداشتوں پر دستخط ہوئے۔ ایم او یو پر دستخط کی تقریب اسلام آباد میں ہوئی جس میں وزیراعظم شہباز شریف اور ترک صدر رجب طیب اردوان، دونوں ممالک کے وزرائے تجارت اور متعلقہ حکام نے شرکت کی۔ تقریب میں دونوں ممالک کے درمیان 24 معاہدوں اور مفاہمت کی یادداشتوں پر دستخط کیے گئے۔وزیراعظم شہباز شریف اور ترک صدر نے دستخط کیے جس کے بعد دستاویزات کا تبادلہ ہوا۔معاہدوں میں سٹریٹجک تعلقات کو مضبوط بنانا، سماجی و ثقافتی بنیادوں پر فوجی اور سویلین اہلکاروں کے تبادلے، ایئر فورس الیکٹرانک وارفیئر اور ملٹری ہیلتھ کے شعبے میں تربیت اور تعاون کے معاہدے شامل ہیں، اس کے علاوہ ہائیڈرو کاربن، کان کنی، توانائی کے شعبے میں تعاون، کمرشل سرٹیفکیٹ کی ڈیجیٹائزیشن، زرعی بیجوں کی تصدیق، زراعت کے شعبے میں تعاون شامل ہیں۔پانی کے شعبے اور صنعتی املاک کے حوالے سے بھی معاہدوں پر دستخط کیے گئے۔ علاوہ ازیں ترکی کے ایکسپورٹ کریڈٹ بینک اور ایکسپورٹ امپورٹ بینک آف پاکستان کے درمیان حلال ایکریڈیٹیشن اتھارٹی کے تحت تعاون، صحت اور ادویہ سازی کے شعبے میں تکنیکی معاونت اور دیگر اہم معاہدے بھی طے پائے۔
