حسن علی کا انگلش کاؤنٹی میں واروکشائر کے ساتھ معاہدہ ہوگیا

پاکستانی فاسٹ باؤلر حسن علی نے انگلش کاؤنٹی میں وارکشائر سے معاہدہ کر لیا ہے۔حسن علی 2025 کے کاؤنٹی سیزن میں وارکشائر کے لیے تمام فارمیٹس میں دستیاب ہوں گے۔حسن علی کا کہنا ہے کہ وہ انجری کے بعد 100 فیصد فٹ ہیں اور واروکشائر ٹیم میں کھیلنے کے لیے پرجوش ہیں۔انہوں نے کہا کہ ایجبسٹن گراؤنڈ میرے لیے دوسرا گھر نہیں بلکہ پہلا گھر بن گیا ہے۔انہوں نے کہا کہ ایجبسٹن گراؤنڈ میرے لیے دوسرا گھر نہیں بلکہ پہلا گھر بن گیا ہے۔واروکشائر کے کوچ مارک رابنسن نے کہا ہے کہ پی سی بی نے یقین دہانی کرائی ہے کہ حسن علی 2025 کے سیزن کے لیے پوری طرح دستیاب ہوں گے۔حسن علی اس سے قبل واروکشائر کاؤنٹی کرکٹ کلب کی نمائندگی کر چکے ہیں اور 2024 کاؤنٹی سیزن میں اسی کاؤنٹی کی نمائندگی کرتے ہوئے انجری کا شکار ہوئے تھے۔حسن علی نے 2023 اور 2024 میں کاؤنٹی چیمپئن شپ میں 27 وکٹیں حاصل کیں۔