سرمایہ کاری اور تعلقات بڑھانے کی خواہش، سعودی ولی عہد اور ڈونلڈ ٹرمپ کی گفتگو

سعودی ولی عہد محمد بن سلمان اور امریکی صدر ڈونلڈ ٹرمپ کے درمیان ٹیلی فون پر بات چیت ہوئی ہے۔شہزادہ محمد بن سلمان نے امریکی صدر ڈونلڈ ٹرمپ کو عہدہ سنبھالنے پر مبارکباد دیتے ہوئے امریکی قیادت اور عوام کے لیے نیک خواہشات کا اظہار بھی کیا۔دونوں رہنماؤں نے دو طرفہ تعلقات اور باہمی امور پر تبادلہ خیال کیا جبکہ سرمایہ کاری اور تجارتی تعلقات کو مزید فروغ دینے پر بھی اتفاق کیا۔بات چیت کے دوران دہشت گردی کی روک تھام کے لیے دوطرفہ تعاون بڑھانے پر بھی اتفاق کیا گیا جب کہ مشرق وسطیٰ میں امن و سلامتی کے قیام پر بھی بات چیت کی گئی۔سعودی ولی عہد شہزادہ محمد بن سلمان نے کہا کہ سعودی عرب آئندہ 4 سالوں میں سرمایہ کاری اور تجارت کو 600 ارب ڈالر تک بڑھانا چاہتا ہے۔