عمران خان کوڈیل آفرنہیں ہورہی،ملٹری ٹرائل حیران کن نہیں ہوگا،فیصل واوڈا دل کی بات زبان پر لے آئیں

سابق وفاقی وزیر سینیٹر فیصل واوڈا نے کہا ہے کہ عمران خان کو ڈیل کی پیشکش نہیں کی جارہی، پروپیگنڈے میں پی ٹی آئی کو کوئی نہیں ہرا سکتا۔ ایک بیان میں فیصل واوڈا نے کہا کہ پی ٹی آئی کے بانی کا فوجی ٹرائل ہو جائے تو کوئی تعجب کی بات نہیں ہو گی۔ انٹرویو کے دوران ایک سوال کے جواب میں سابق وفاقی وزیر نے کہا کہ نواز شریف نے (ن) لیگ میں شمولیت کی دعوت دی تو معافی مانگوں گا۔ان کا مزید کہنا تھا کہ عمران خان دروازے سے باہر دیکھ رہے ہیں، انہیں ڈیل کی پیشکش نہیں کی جا رہی، اگر ایسا ہوا تو ایک منٹ میں ہو جائے گا جب کہ پی ٹی آئی ٹوٹ چکی ہے اور پروپیگنڈے میں پی ٹی آئی کو کوئی نہیں ہرا سکتا۔