سیف علی خان پر حملہ کرنے والے ملزم کا اعترافِ جرم
بالی ووڈ کے ننھے نواب اداکار سیف علی خان پر حملے کے الزام میں گرفتار بنگلہ دیشی ملزم شریف الاسلام شہزاد نے مبینہ طور پر جرم کا اعتراف کر لیا ہے۔بھارتی میڈیا رپورٹس کے مطابق پولیس ذرائع کا کہنا ہے کہ 30 سالہ محمد شریف الاسلام شہزاد نے اعتراف جرم کرتے ہوئے کہا کہ ہاں میں نے یہ حملہ کیا ہے۔پولیس ذرائع کے مطابق سیف علی خان پر حملے کی 70 گھنٹے سے زائد تلاش کے بعد کیس میں اہم پیش رفت ہوئی ہے۔محمد شریف الاسلام شہزاد کو ممبئی کے علاقے باندرہ میں سیف علی خان کے گھر سے تقریباً 35 کلومیٹر دور اداکار پر حملہ کرنے کے الزام میں گرفتار کیا گیا تھا۔ممبئی پولیس نے شہزاد کو ایک لیبر کنٹریکٹر کی فراہم کردہ معلومات کی بنیاد پر 7 گھنٹے طویل آپریشن کے بعد جنگل کے علاقے میں لیبر کیمپ سے گرفتار کیا۔سینئر پولیس افسر کے مطابق تفتیش کے دوران ملزم نے اعتراف جرم کر لیا ہے۔واضح رہے کہ گرفتار ملزم کو گزشتہ روز ممبئی کی عدالت میں پیش کیا گیا جہاں ملزم کے وکیل نے موقف اختیار کیا کہ ان کے موکل سے کچھ برآمد نہیں ہوا، اسے اس کیس میں پھنسایا جا رہا ہے۔ملزم کے وکیل نے عدالت کو بتایا کہ ملزم کے خلاف الزامات جھوٹے ہیں اور ایک مشہور شخصیت کو نشانہ بنائے جانے کی وجہ سے کیس روشنی میں ہے۔وکیل نے کہا کہ اس ہائی پروفائل کیس میں ان کے موکل کو قربانی کا بکرا بنایا جا رہا ہے۔
