بگ باس 18 کے فینالے میں بالی ووڈ کے 2 خان ایک ساتھ

بگ باس 18 کے فینالے میں بالی ووڈ کے 2 خان ایک ساتھ

مقبول بھارتی ریئلٹی شو بگ باس کے فائنل میں ایک خوشی کا لمحہ آیا جب بالی ووڈ کے 2 خانز ایک ساتھ نظر آئے۔بھارتی میڈیا کے مطابق عامر خان نے ریئلٹی شو بگ باس کے فائنل میں خصوصی شرکت کی اور مداحوں کے سامنے سلمان خان کے ساتھ اپنی 90 کی دہائی کی کامیڈی فلم ’انداز اپنا اپنا‘ کا ایک سین دہرایا۔عامر خان نے اپنے بیٹے جنید خان کی فلم ‘لو یاپا’ کی تشہیر کے لیے خصوصی طور پر شو میں شرکت کی، عامر خان اور سلمان خان ایک ساتھ موٹر سائیکل پر پہنچے۔بگ باس کے فائنل میں فلم اسٹار ویر پہاڑیا نے بھی اپنی آنے والی فلم اسکائی فورس کی تشہیر کی۔اس فلم میں ان کے ساتھ اکشے کمار، نمرت کور اور سارہ علی خان اہم کردار ادا کر رہے ہیں۔فلم اسکائی فورس 24 جنوری کو ریلیز ہوگی۔

اپنا تبصرہ لکھیں