بنگلادیشی کرکٹر شکیب الحسن کے وارنٹ گرفتاری جاری

بنگلہ دیشی کرکٹر شکیب الحسن کے وارنٹ گرفتاری جاری کر دیے گئے۔بنگلہ دیش کی ایک عدالت نے کل 300,000 ڈالر سے زائد مالیت کا چیک باؤنس ہونے پر کرکٹر شکیب الحسن کے وارنٹ گرفتاری جاری کردیئے۔ایڈیشنل چیف میٹروپولیٹن مجسٹریٹ ضیاء الرحمان نے بنگلہ دیشی کرکٹر کے وارنٹ گرفتاری جاری کرتے ہوئے پولیس کو عدالتی حکم پر عمل درآمد کرکے 24 مارچ تک رپورٹ پیش کرنے کا حکم دیا۔واضح رہے کہ شکیب الحسن بنگلہ دیشی سابق وزیر اعظم شیخ حسینہ واجد کی پارٹی سے وابستگی کے باعث جان سے مارنے کی دھمکیاں ملنے کے بعد ملک سے باہر ہیں۔وہ گزشتہ سال حکومت مخالف مظاہروں کے دوران قتل کے ایک مقدمے میں بھی نامزد ہیں۔جب بنگلہ دیش میں شیخ حسینہ واجد کی حکومت ختم ہوئی تو شکیب الحسن کینیڈا میں ڈومیسٹک ٹوئنٹی 20 ایونٹ کھیل رہے تھے اور اس کے بعد سے وہ بنگلہ دیش واپس نہیں آئے۔