لاڑکانہ: عوامی پاکستان پارٹی کے رہنما مفتاح اسماعیل نے پاکستان تحریک انصاف (پی ٹی آئی) کے بانی عمران خان کو 190 ملین پاؤنڈ کیس میں دی گئی سزا کو برقرار رکھا ہے۔مفتاح اسماعیل نے نیوز کانفرنس میں کہا کہ عمران خان نے نیب کھیل کر مخالفین کو جیلوں میں ڈالا، انہیں تو ٹھیک سزا دی گئی لیکن بشریٰ بی بی کے پاس کوئی عہدہ نہیں، ان کی سزا عجیب ہے۔مفتاح اسماعیل کا مزید کہنا تھا کہ پنجاب میں شہباز شریف اور عثمان بزدار کا دور اچھا رہا، شہباز شریف کے دور میں پنجاب میں کرپشن پر کوئی بات نہیں ہوئی جب کہ وزیر اعلیٰ پنجاب مریم نواز کی حکومت میں کرپشن کی باتیں آتی رہتی ہیں۔ سامنےنیوز کانفرنس میں مفتاح اسماعیل نے کہا کہ 40 فیصد لوگ خط غربت سے نیچے زندگی گزار رہے ہیں، 2 کروڑ 65 لاکھ بچے اسکولوں سے باہر ہیں، وفاق کی جانب سے سندھ کو دیئے گئے اربوں روپے کہاں جارہے ہیں؟انہوں نے کہا کہ حکومت بوکھلاہٹ کا شکار ہو چکی ہے، لوگ اشیائے ضروریہ پر 25 فیصد ٹیکس دیتے ہیں، میرے دور میں انکم ٹیکس 15 فیصد تھا جو اب بڑھ کر 49.50 فیصد ہو گیا ہے۔انہوں نے کہا کہ پاکستان میں بجلی اور گیس سری لنکا، کینیا اور ایتھوپیا سے زیادہ مہنگی ہے۔
