وفاقی وزیر اطلاعات و نشریات عطاء تارڑ نے کہا ہے کہ پی ٹی آئی کے بانی جہاں جاتے ہیں ان کے پاس 190 ملین پاؤنڈز کا جواب نہیں ہوتا۔لاہور میں تقریب سے خطاب کرتے ہوئے عطا تارڑ نے کہا کہ پی ٹی آئی جہاں چاہے اپیل کر سکتی ہے، تاریخ کی سب سے بڑی ڈکیتی کا ان کے پاس کوئی جواب نہیں۔انہوں نے کہا کہ پی ٹی آئی حکومت میں مہر بند لفافوں کی کابینہ سے منظوری دی گئی، پوری دنیا نے پی ٹی آئی کے بانی کا اصل چہرہ دیکھ لیا، اب اپنا جرم چھپانے کے لیے مذہب کا کارڈ استعمال کیا جا رہا ہے۔عطا تارڑ کا مزید کہنا تھا کہ جس دن پی ٹی آئی کے بانی کو سزا ہوئی اس دن اسٹاک مارکیٹ میں 1000 پوائنٹس کا اضافہ ہوا، پوری دنیا کے میڈیا نے سرخیاں بنائیں کہ سابق وزیراعظم کو کرپشن پر گرفتار کیا گیا۔عطا تارڑ کا مزید کہنا تھا کہ جس دن پی ٹی آئی کے بانی کو سزا ہوئی اس دن اسٹاک مارکیٹ میں 1000 پوائنٹس کا اضافہ ہوا، پوری دنیا کے میڈیا نے سرخیاں بنائیں کہ سابق وزیراعظم کو کرپشن پر گرفتار کیا گیا۔انہوں نے کہا کہ مسلم لیگ (ن) قوم سے کیے گئے وعدے پورے کرنے آئی ہے، یہ ملک کی تقدیر بدل دے گی، ملک کے حالات خوشحال ہوں گے، نواز شریف اور شہباز کی قیادت میں عوام کی خدمت کریں گے۔وفاقی وزیر نے یہ بھی کہا کہ مسلم لیگ (ن) کی حکومت آئی تو مہنگائی بھی کم ہوئی، دنیا بھر میں پاکستان کی اسٹاک مارکیٹ کی تعریف ہو رہی ہے۔انہوں نے کہا کہ الیکشن میں کیے گئے وعدے آج پورے ہو رہے ہیں، ہم اس ملک کی تقدیر بدلیں گے، ملک کے حالات خوشحال ہوں گے۔
