پاکستان ٹیسٹ ٹیم کے کھلاڑی کل جنوبی افریقا روانہ ہونگے

پاکستان ٹیسٹ اسکواڈ کے کھلاڑی کل جنوبی افریقہ روانہ ہوں گے۔ ذرائع کے مطابق ٹیسٹ اسکواڈ کے کھلاڑی لاہور اور کراچی سے دبئی میں جمع ہوں گے جہاں سے وہ سب جوہانسبرگ روانہ ہوں گے۔ شان مسعود، سعود شکیل، خرم شہزاد، میر حمزہ، محمد عباس، عامر جمال، حسیب اللہ اور نعمان علی جنوبی افریقہ روانہ ہوں گے۔ ریڈ بال فارمیٹ میں ٹیم کے ہیڈ کوچ جیسن گلیسپی بھی کل جنوبی افریقہ پہنچیں گے جہاں ٹیم کا کیمپ لگایا جائے گا۔پاکستان اور جنوبی افریقہ کے درمیان پہلا ٹیسٹ 26 دسمبر سے سنچورین میں کھیلا جائے گا جبکہ سیریز کا دوسرا ٹیسٹ میچ 3 جنوری سے کیپ ٹاؤن میں کھیلا جائے گا۔ جنوبی افریقہ میں ہیں جبکہ نسیم شاہ، کامران غلام اور عبداللہ شفیق ون ڈے اور ٹیسٹ سکواڈ میں شامل ہیں۔