پشاور: پی ٹی آئی کے سیکرٹری جنرل سلمان اکرم راجہ نے کہا ہے کہ ہم سب سے مذاکرات کے لیے تیار ہیں۔ سلمان اکرم راجہ نے کہا کہ ہم سے استعفیٰ مانگنے کی خبریں غلط ہیں، عمران خان نے تمام رہنماؤں پر اعتماد کا اظہار کیا ہے اور مذاکراتی کمیٹی بنا کر مجھ سمیت دیگر رہنماؤں کو شامل کیا ہے۔ اسٹیبلشمنٹ سے مذاکرات کے سوال پر سلمان اکرم نے کہا کہ ہم سب کے ساتھ بات کرنے کو تیار ہیں، مذاکرات ممکن تھے اور مذاکرات ہمیشہ ہونے چاہئیں۔. پی ٹی آئی کے سیکرٹری جنرل کا کہنا تھا کہ خیبرپختونخوا میں گورنر راج لگانا سراسر غلط اور حماقت ہوگی، صوبے کو مزید انتشار میں نہ ڈالیں۔
