نومنتخب امریکی صدر ڈونلڈ ٹرمپ نے کہا ہے کہ شام کی جنگی صورتحال سے امریکا کا کوئی تعلق نہیں۔ ڈونلڈ ٹرمپ نے شام کی صورتحال پر سخت ردعمل دیتے ہوئے کہا کہ شام ہمارا دوست نہیں، انہیں لڑنے دیں، اس گھناؤنے کھیل کا حصہ نہ بنیں۔ امریکی حکومت کے لیے بہتر ہے کہ وہ اس معاملے سے دور رہے۔ نومنتخب امریکی صدر کا مزید کہنا تھا کہ اقتدار سنبھالنے کے بعد شام کی جنگ میں امریکی مداخلت ختم کریں گے۔ دوسری جانب امریکی محکمہ خارجہ نے کہا ہے کہ وہ شام کی صورتحال پر نظر رکھے ہوئے ہے۔شام کے تنازع کو سلامتی کونسل کے تحت حل کرنے کا وقت آگیا ہے، تنازعہ کو مذاکرات کے ذریعے ہی ختم کیا جاسکتا ہے۔
