اسلام آباد کی انسداد دہشت گردی کی عدالت نے ڈی چوک میں احتجاج پر بانی پی ٹی آئی سمیت پارٹی کے 96 رہنماؤں اور کارکنوں کے وارنٹ گرفتاری جاری کردیئے۔ بشری بی بی، بیرسٹر گوہر، شعیب شاہین، علی بخاری، عامر مغل کے بھی وارنٹ گرفتاری جاری کیے گئے ہیں۔ انسداد دہشت گردی کی عدالت کے جج طاہر عباس سپرا نے ناقابل ضمانت وارنٹ گرفتاری جاری کر دیئے۔ کوہسار پولیس نے کیس میں 96 ملزمان کے وارنٹ گرفتاری حاصل کر لیے ہیں۔عمر ایوب، شیر افضل مروت، خالد خورشید، فیصل جاوید کے بھی وارنٹ گرفتاری جاری کیے گئے۔ ایم این اے عبداللطیف، فتح ملک، علی ناصر، صوبائی وزیر ریاض خان کے بھی وارنٹ جاری کیے گئے۔ علی زمان، پیر مسرور، میاں خلیق الرحمان، سہیل آفریدی، شہرام ترکئی کے بھی وارنٹ جاری کیے گئے۔ مشتاق اللہ، راشد۔ ٹیپو، زلفی بخاری، سلمان اکرم راجہ، مراد سعید اور رؤف حسن کے بھی وارنٹ جاری کیے گئے۔
