اسلام آباد: محکمہ موسمیات نے آئندہ 24 سے 48 گھنٹوں کے دوران ملک کے مختلف علاقوں میں گرج چمک اور تیز ہواؤں کے ساتھ بارش کی پیشگوئی کی ہے، جبکہ بیشتر علاقوں میں موسم گرم اور مرطوب رہنے کا امکان ہے۔
محکمہ موسمیات کے مطابق شمال مشرقی و جنوبی پنجاب، شمال مشرقی بلوچستان، کشمیر، بالائی خیبر پختونخوا اور گلگت بلتستان کے چند مقامات پر بارش متوقع ہے۔ بعض علاقوں میں بارش کے ساتھ تیز ہوائیں اور آندھی چلنے کا بھی خدشہ ہے۔
بارش کی پیشگوئی والے اہم علاقے:
اسلام آباد میں چند مقامات پر بارش کا امکان۔
پنجاب کے شہروں: مری، گلیات، راولپنڈی، جہلم، اٹک، چکوال، گجرات، گوجرانوالہ، حافظ آباد، سیالکوٹ، نارووال، ساہیوال، بہاولپور، بہاولنگر اور ڈیرہ غازی خان میں بارش متوقع۔
بلوچستان کے علاقے: کوئٹہ، زیارت، بارکھان، سبی، کوہلو، موسیٰ خیل، لورالائی، ژوب اور خضدار میں بارش کا امکان۔
خیبر پختونخوا کے اضلاع: دیر، چترال، سوات، کوہستان، مالاکنڈ، شانگلہ، بٹگرام، مانسہرہ، ایبٹ آباد، بونیر، باجوڑ، مہمند، خیبر، اورکزئی اور کرم میں تیز ہواؤں کے ساتھ بارش کی پیشگوئی۔
سندھ کے ساحلی علاقوں میں بھی چند مقامات پر بارش ہو سکتی ہے۔
آزاد کشمیر اور گلگت بلتستان میں گرج چمک اور تیز ہواؤں کے ساتھ بارش کا امکان ظاہر کیا گیا ہے۔
محکمہ موسمیات نے شہریوں کو احتیاط برتنے اور سفر کے دوران موسمی صورتِ حال سے باخبر رہنے کی ہدایت کی ہے۔ کسانوں اور متعلقہ اداروں کو بھی ضروری اقدامات کی ہدایت جاری کر دی گئی ہے۔
