یورپ میں کاریں بنانے والی ایسوسی ایشن، اے سی ای اے کے تازہ اعداد و شمار کے مطابق، رواں سال کے پہلے دو ماہ میں ٹیسلا کی الیکٹرک کاروں کی فروخت میں 49 فیصد کمی ہوئی ہے۔
ماہرین اس کمی کی وجہ، ٹیسلا کے پرانے ماڈلوں کے ساتھ ساتھ کمپنی کے مالک ایلون مسک کی سیاسی سرگرمیوں کو بھی قرار دہ رہے ہیں۔ امریکہ میں صدر ڈونلڈ ٹرمپ کی انتظامیہ میں شامل، ایلون مسک یورپ میں دائیں بازو کی قوم پرست جماعتوں کے بڑے حامی ہیں جس کی وجہ سے، یورپی عوام میں ان کے متعلق منفی رائے پائی جاتی ہے۔
اے سی ای اے کے مطابق، یورپ میں مجموعی طور پر الیکٹرک گاڑیوں کی طلب میں میں اضافہ ہونے کے باوجود ٹیسلا گاڑیوں کی فروخت، گذشتہ سال کے پہلے دو ماہ کی نسبت تقریباً نصف رہی۔
