چیمپئینز ٹرافی، آسٹریلوی اسکواڈ سے میچل اسٹارک بھی دستبردار

کرکٹ آسٹریلیا نے چیمپئنز ٹرافی کے لیے اسکواڈ کا اعلان کردیا، فاسٹ بولر مچل اسٹارک بھی کینگروز ٹیم سے دستبردار ہوگئے۔ کرکٹ آسٹریلیا کا کہنا ہے کہ مچل اسٹارک نے ذاتی وجوہات کی بنا پر ٹیم سے کنارہ کشی اختیار کرتے ہوئے اپنے فیصلے کی حمایت کی ہے۔کرکٹ آسٹریلیا کا کہنا ہے کہ مچل اسٹارک نے میڈیا سے رازداری کی درخواست کی ہے، مچل اسٹارک اس حوالے سے کوئی تبصرہ نہیں کریں گے۔کپتان پیٹ کمنز، جوش ہیزل ووڈ اور مچل مارش فٹنس مسائل کی وجہ سے پہلے ہی ٹیم سے باہر ہو چکے ہیں جب کہ آل راؤنڈر مارکس سٹوئنز ون ڈے کرکٹ سے ریٹائر ہو چکے ہیں۔دوسری جانب کرکٹ آسٹریلیا نے چیمپئنز ٹرافی کے لیے اسکواڈ کا اعلان کر دیا، چیمپیئنز ٹرافی میں آسٹریلیا کی قیادت اسٹیو اسمتھ کریں گے۔ ٹیم میں شان ایبٹ، ایلکس کیری، بین ڈارشیوز اور نیتھن ایلس شامل ہیں۔جیک فریزر میکگرک، ایرون ہارڈی، ٹریوس ہیڈ، جوش انگلس اور سپینسر جانسن ٹیم میں جگہ بنانے میں کامیاب ہوئے۔مارنوس لبوشین، گلین میکسویل، تنویر سنگھا، میتھیو شارٹ اور ایڈم زمپا بھی ٹیم کا حصہ۔چیئرمین سلیکشن پینل جارج بیلی کا کہنا ہے کہ ابتدائی اسکواڈ میں انجریز اور لیٹائرمنٹ کی وجہ سے متعدد تبدیلیاں کرنا پڑیں۔