اسلام آباد: تحریک انصاف نے اعلان کیا ہے کہ 8 فروری کو ہونے والے الیکشن کا ایک سال مکمل ہونے پر کوئی انتشار اور تصادم نہیں ہوگا۔تحریک انصاف کے جنرل سیکرٹری سلمان اکرم راجہ نے کہا ہے کہ کل صرف صوابی میں جلسہ ہوگا، جبکہ تحصیل اور یوسی کی سطح پر احتجاج کیا جائے گا۔ افراتفری اور تصادم مقصود نہیں ہے۔مولانا فضل الرحمان کے سوال پر سلمان اکرم نے کہا کہ وہ سمجھتے ہیں کہ مولانا عوام کے ساتھ کھڑے ہوں گے، لیکن پی ٹی آئی آئین اور عدلیہ کے لیے اصولوں پر کھڑی ہے، جو ساتھ چلتے ہیں، ورنہ پی ٹی آئی اکیلی آگے بڑھے گی۔واضح رہے کہ تحریک انصاف نے 8 فروری کو مینار پاکستان پر جلسے کی درخواست دی تھی جسے ڈپٹی کمشنر نے مسترد کرتے ہوئے جلسے کی اجازت دینے سے انکار کر دیا تھا۔ذرائع کا کہنا ہے کہ 8 فروری کو کرکٹ میچ اور انٹرنیشنل سپیکر کانفرنس ہے، اس کے علاوہ لاہور میں ہارس اینڈ کیٹل شو بھی شروع ہو رہا ہے، اس سلسلے میں ہزاروں سکیورٹی اہلکار تعینات کیے جا رہے ہیں۔
