یوٹیلیٹی اسٹورز پر چینی مزید 5 روپے کلو مہنگی

یوٹیلیٹی سٹورز پر چینی کی قیمت میں مزید 5 روپے فی کلو اضافہ کر دیا گیا ہے۔ذرائع کے مطابق یوٹیلیٹی سٹورز پر چینی کی قیمت 145 روپے سے بڑھا کر 150 روپے فی کلو کر دی گئی ہے۔ڈیڑھ ہفتہ قبل یوٹیلیٹی اسٹورز پر چینی کی قیمت 140 روپے فی کلو مقرر کی گئی تھی۔یو ایس سی ذرائع کے مطابق چینی کی قیمت میں اضافہ اوپن مارکیٹ کی قیمتوں میں مزید اضافے کے باعث ہوا، مزید اضافے کے باوجود یوٹیلٹی اسٹورز پر چینی اوپن مارکیٹ سے سستی ہے۔واضح رہے کہ وفاقی حکومت نے اگست 2024 میں چینی سمیت 5 بنیادی اشیاء پر سبسڈی روک دی تھی۔