آئی سی سی چیمپئنز ٹرافی کے لیے لاہور اور کراچی کے اسٹیڈیمز کو تیار کر لیا گیا، نیا رنگ اور نیا روپ دیا گیا ہے۔اسٹیڈیم کی افتتاحی تقریب میں معروف گلوکار علی ظفر، عارف لوہار اور آئمہ بیگ کی گائیکی، آتش بازی اور منفرد لائٹ شو، شاندار ڈھول پرفارمنس اور آتش بازی کا مظاہرہ کیا جائے گا۔دوسری جانب نیشنل اسٹیڈیم کراچی بھی مکمل ہوچکا ہے جس کا افتتاح 11 فروری کو ہوگا۔ واضح رہے کہ پی سی بی چیئرمین محسن نقوی کی قیادت میں پی سی بی نے ریکارڈ 117 دنوں میں قذافی اسٹیڈیم کو جدید اسٹیڈیم میں تبدیل کردیا ہے، اسٹیڈیم میں 32 ہزار افراد کے بیٹھنے کی گنجائش ہے۔ چیئرمین محسن نقوی کا کہنا ہے کہ ہمارے سٹیڈیمز خصوصاً قذافی سٹیڈیم کو بین الاقوامی معیار کے مطابق تیار کیا گیا ہے۔
