ایلون مسک ہماری اجازت کے بغیر خود فیصلے نہیں کر سکتے: ڈونلڈ ٹرمپ

امریکی صدر ڈونلڈ ٹرمپ نے کہا ہے کہ ان کے مشیر ایلون مسک خود فیصلے نہیں کر سکتے۔غیر ملکی میڈیا کے مطابق امریکی صدر نے صحافیوں سے گفتگو کرتے ہوئے کہا کہ ایلون مسک ہماری اجازت کے بغیر کچھ نہیں کر سکتے اور نہ کریں گے۔ایک سوال پر امریکی صدر نے کہا کہ ایلون مسک کو جہاں مناسب سمجھا جائے گا ہم اسے منظور کریں گے اور جہاں مناسب نہیں سمجھا جائے گا ہم اسے منظور نہیں کریں گے۔امریکی میڈیا رپورٹس کے مطابق ٹرمپ انتظامیہ نے ایلون مسک کی ٹیم کو وفاقی ادائیگیوں کے نظام تک رسائی دی ہے جو ہر سال کھربوں ڈالر کے سرکاری فنڈز کو ہینڈل کرتا ہے۔میڈیا رپورٹس کے مطابق ایلون مسک کی سربراہی میں بنایا گیا ڈیپارٹمنٹ آف گورنمنٹ ایفیشنسی (DOGE) کوئی سرکاری محکمہ نہیں بلکہ انتظامیہ کے اندر ایک ٹیم ہے۔ایلون مسک زیرِ قیادت اس محکمے کو امریکیوں کی ذاتی معلومات تک رسائی دی گئی۔