اسلام آباد پولیس اسٹیشن ہاؤس آفیسر (ایس ایچ او) اشفاق وڑائچ نے پتنگ بازی روکنے میں ناکامی پر پتنگ باز کا گھر گرانے کا اعلان کیا ہے۔پتنگ بازی روکنے میں ناکامی پر اسلام آباد پولیس کا انوکھا اقدام سامنے آ گیا اور تھانہ سیکرٹریٹ کے ایس ایچ او اشفاق وڑائچ نے مقامی مسجد کے لاؤڈ سپیکر پر خصوصی اعلان کر دیا جس کی ویڈیو بھی وائرل ہو گئی۔ایس ایچ او اشفاق وڑائچ کی جانب سے لاؤڈ سپیکر پر اعلان بھی کیا گیا کہ پتنگ باز کو سرعام لات ماری جائے گی۔اشفاق وڑائچ نے والدین کو مخاطب کرتے ہوئے کہا کہ ‘ایس ایچ او سیکریٹریٹ بول رہا ہے، اپنے بچوں کو منع کریں کہ کوئی پتنگ نہیں کھیلے گا، یہ خونی کھیل ہے جس سے کسی کی جان بھی جا سکتی ہے۔انہوں نے کہا کہ اگر کسی کا بچہ پتنگ اڑاتے ہوئے پکڑا گیا تو میں اس کے ’’باپ‘‘ کو ٹکٹ دوں گا اور اسے بیچ سڑک پر لات مار کر اس کا گھر بھی گرا دوں گا۔اشفاق وڑائچ نے مزید کہا کہ ‘یہ بات کھلے کانوں سے سنیں اور اپنے بچوں کو منع کریں’۔
