عامر خان کی زندگی میں تیسری خاتون کی انٹری، اہل خانہ سے متعارف کروا دیا

بالی ووڈ کے مسٹر پرفیکشنسٹ اداکار عامر خان تیسری بار محبت میں گرفتار، خاتون کو اپنے خاندان سے ملوایا۔بھارتی میڈیا رپورٹس کے مطابق خبریں گردش کر رہی ہیں کہ 59 سالہ اداکار عامر خان کی زندگی میں ایک نئی خاتون کی آمد ہوئی ہے جن کا تعلق بنگلور سے ہے۔بھارتی میڈیا نے دعویٰ کیا ہے کہ عامر خان کے قریبی ذرائع کا کہنا ہے کہ عامر خان نے حال ہی میں اپنے نئے ساتھی کو پورے خاندان سے ملوایا ہے۔ان کی ملاقات خوشگوار رہی اور اہل خانہ نے بھی ان کا استقبال کیا۔واضح رہے کہ اس حوالے سے اداکار کا باضابطہ بیان سامنے نہیں آیا ہے۔ یاد رہے کہ عامر خان کی پہلی شادی 1986 میں رینا دتہ کے ساتھ ہوئی تھی تاہم دونوں کی 2002 میں علیحدگی ہوگئی تھی۔بعد ازاں 2005 میں عامر خان اور فلمساز کرن راؤ کی شادی ہو گئی لیکن یہ شادی زیادہ دیر نہ چل سکی اور 2021 میں طلاق پر ختم ہو گئی۔