وزیر اعظم شہباز شریف سے چینی سفیر جیانگ زی ڈونگ نے ملاقات کی جس میں دوطرفہ اقتصادی اور سیکیورٹی تعاون پر تبادلہ خیال کیا گیا۔ وزیر اعظم ہاؤس میں ہونے والی ملاقات میں وزیر اعظم شہباز شریف نے چینی سفیر کو چینی نئے سال کی مبارکباد دی اور نئے سال کی تقریبات میں پاکستان میں مقیم تمام چینی شہریوں سمیت چینی قیادت اور چین کے برادر عوام کے لیے نیک خواہشات کا اظہار کیا۔ .. وزیر اعظم شہباز شریف نے کہا کہ امید ہے کہ یہ نیا سال پاکستان اور چین کے درمیان دوستی کو مزید مضبوط کرے گا اور دونوں ممالک کے عوام کے لیے خوشحالی لائے گا۔ چینی سفیر نے اس پرمسرت موقع پر چینی حکومت اور اس کے عوام کے لیے نیک خواہشات کا اظہار کرنے پر وزیر اعظم شہباز شریف اور پاکستانی عوام کا شکریہ ادا کیا۔
