ٹیکس فراڈ میں ملوث افراد کو 10 سال قید کی تجویز زیر غور
حکومت کی جانب سے آف شور ڈیجیٹل سروسز پر 20 فیصد انکم ٹیکس عائد کرنے، ٹیکس فراڈ میں ملوث افراد کو 10 سال قید اور کمشنر ایف بی آر کی پیشگی اجازت کے بغیر ان لینڈ ریونیو کے جونیئر افسران کی گرفتاری کی اجازت دینے کا امکان ہے۔ دینے پر بھی غور کر رہے ہیں۔تاہم اگر کشمن گرفتاری سے مطمئن نہیں ہے تو وہ گرفتار شخص کی رہائی کا حکم دے سکتا ہے، کمشنر بغیر واضح اور ضروری ثبوت کے گرفتار کرنے والے افسر کے خلاف تادیبی کارروائی کر سکتا ہے۔ذرائع کے مطابق بل کی منظوری کی صورت میں ان لینڈ ریونیو آفیسر کمشنر سے زیر تفتیش شخص کا نام ای سی ایل میں ڈالنے کی درخواست بھی کر سکے گا تاکہ زیر تفتیش شخص کے بیرون ملک فرار ہونے سے بچایا جا سکے۔حکومتی ذرائع نے بتایا کہ حکام ٹیکس فراڈ، نان فائلرز اور نااہل افراد کے لیے سزاؤں کے نظام کو مزید سخت بنانے کے لیے ٹیکس قوانین ترمیمی بل 2024 میں مزید ترامیم لانے پر غور کر رہے ہیں۔یہاں نااہل افراد سے مراد ایسے افراد ہیں، جنہیں گھر اور گاڑیاں خریدنے سے روکا گیا تھا، اب انہیں زرعی ٹریکٹر خریدنے سے بھی روکا جائے گا۔قومی اسمبلی کی قائمہ کمیٹی برائے خزانہ ان ترامیم پر آج غور کرے گی۔ ذرائع کا کہنا ہے کہ اگر پیپلز پارٹی نے کوئی اعتراض نہ اٹھایا تو حکومت قومی اسمبلی سے منظوری لینے سے قبل ٹیکس قانون ترمیمی بل میں نئی ترمیم کر سکتی ہے۔ شور ڈیجیٹل سروسز فیس پر انکم ٹیکس کی شرح 10 فیصد سے بڑھ کر 20 فیصد ہو جائے گی۔
